ЕЗ падрыхтаваў дадатковыя санкцыі супраць Расеі

Для юрыдычнага афармлення новых абмежавальных мер супраць Расеі неабходная пастанова Рады Еўразвяза.

Пра гэта заявіла афіцыйны прадстаўніца кіраўніка дыпламатыі ЕЗ Майя Каціянчыч, паведамляе РІА "Новости".

"Была праведзеная вельмі вялікая праца ў папярэднія месяцы для падрыхтоўкі магчымых мер, якія па-ранейшаму актуальныя. Некаторыя з іх ужо былі адлюстраваныя ў прынятых абмежаваннях. Але для кожнага прыкладання да цяперашніх дакументаў нам трэба новая заканадаўчая прапанова ад Савета", - сказала яна, адказваючы на пытанне, ці падрыхтаваныя ўжо магчымыя абмежавальныя меры ў дачыненні да РФ.

ЗША і ЕЗ не прызнаюць акупацыі Крыма Расеяй і абвінавачваюць Маскву ва ўмяшанні ў справы Украіны.. Заходнія краіны з сакавіка ўжо некалькі разоў уводзілі санкцыі ў дачыненні да шэрагу расейскіх палітыкаў, бізнэсоўцаў і кампаній і пагражалі пашырыць абмежавальныя меры. Апошнім выпадкам прымянення падобнай практыкі сталі вераснёўскія санкцыі.