Беларусы зноў скупляюць валюту

У кастрычніку чыстая купля замежнай валюты склала $93,7 млн.

Насельніцтва Беларусі ў кастрычніку выступіла чыстым пакупніком замежнай валюты, у той час як у папярэднія два месяцы грамадзяне папаўнялі ЗВР радзімы, паведамляе АФН.

У кастрычніку чыстая купля замежнай валюты (наяўнай і безнаяўнай) склала$93,7 млн. супраць чыстага продажу на $33,5 млн. у верасні і $92,3 млн.у жніўні, паведамляе Нацыянальны банк.

У ліпені чысты попыт складаў $48,7 млн. супраць $32,1 млн. у чэрвені і $117,4 млн. у траўні. У красавіку насельніцтва купіла на чыстай аснове $ 57,7 млн., у сакавіку - $87,2 млн., у лютым - $19,5 млн., толькі ў студзені выступіўшы чыстым прадаўцом у аб'ёме $74,5 млн.

У кастрычніку насельніцтва прадало банкам на чыстай аснове $36,3 млн. наяўнай валюты (супраць чыстага продажу на $137,1 млн. у верасні). Валавая купля валюты склала $761,5 млн. (на 8,1% больш, чым у верасні), валавы продаж - $797,8 млн. (на 5,2% менш).

У безнаяўнай валюце чыстая купля вырасла да $ 130 млн. (у верасні купля складала $103,6 млн.). На валавой аснове насельніцтва купіла $183,3 млн. (на 15,9% больш, чым у верасні), прадало - $53,2 млн. (на 2,5% менш).

Паводле вынікаў 11 месяцаў 2014 насельніцтва купіла на чыстай аснове $158,6 млн., у тым ліку чысты продаж наяўнай валюты склаў $699,7 млн., чыстая купля безнаяўнай - $858,3 млн.

Захапленне насельніцтва безнаяўнай валютай можна растлумачыць ростам папулярнасці шопінгу ў размешчаных за межамі РБ інтэрнэт-крамах.

Фота: Bymedia