Месэнджэр Facebook набраў 500 мільёнаў карыстальнікаў
- 11.11.2014, 20:27
- 3,704
Колькасць карыстальнікаў прыкладання падвоілася з моманту запуску сэрвісу ў красавіку.
Прыкладанне для абмену імгненнымі паведамленнямі Facebook было ўстаноўленае на тэлефоны і планшэты больш за 500 мільёнаў карыстальнікаў, піша BBC.
Карыстальнікі сацыяльнай сеткі былі вымушаныя ў абавязковым парадку ўстанавіць новае мабільнае прыкладанне для абмену паведамленнямі, што выклікала хвалю крытыкі.
Насуперак крытыцы
У красавіку кампанія абвясціла аб тым, што карыстальнікі сацыяльнай сеткі павінныя перайсці на асобнае прыкладанне, якое дазваляе адпраўляць відэа, бясплатна тэлефанаваць і мець зносіны з сябрамі.
Рашэнне кампаніі было скептычна ўспрынятае карыстальнікамі сацыяльнай сеткі. Яны не разумелі, навошта вылучаць функцыю абмену паведамленнямі ў асобны дадатак.
У выніку хвалі крытыкі адзнака прыкладання ў краме App store звалілася да 1,5 балаў.
Паводле слоў кіраўніцтва кампаніі, з моманту запуску мабільнага прыкладання Facebook у 2011 годзе кампанія пастаянна шукала шляхі для "хуткіх і больш выразных зносін" сваіх карыстальнікаў.
"Месэнджэр быў першым аўтаномным дадаткам, у адрозненне ад нашага асноўнага прыкладання, якое было накіраванае на адну функцыю - абмен паведамленнямі", - напісаў у блогу Пітэр Марцінацы, дырэктар кіравання прадуктамі кампаніі.
"Мы прадаўжаем паляпшаць хуткасць і надзейнасць прыкладання. Праграма абнаўляецца кожныя два тыдні, працягваючы развівацца і паляпшацца", - заявіў Марцінацы.
Заява прадстаўніка кампаніі паказвае, што Facebook плануе захаваць дадатак, нягледзячы на крытыку.
Тым часам, Facebook прадаўжае ўзмацняць свае пазіцыі на рынку электронных камунікацый. У кастрычніку кампанія завяршыла здзелку куплі папулярнага сэрвісу абмену паведамленнямі WhatsApp за 22 млрд даляраў. У момант заключэння здзелкі дадаткам штомесяц карысталіся 600 мільёнаў карыстальнікаў.