На плошчы Якуба Коласа ўстанавілі макет Нацыянальнай бібліятэкі
2- 11.11.2014, 21:48
- 8,552
Сёння на плошчы Якуба Коласа з'явіліся мініяцюры вядомых менскіх і бразільскіх будынкаў.
Мінакі могуць распазнаць сілуэты «брамы Менска» з вуліцы Кірава, Нацыянальную бібліятэку, статую Хрыста, стадыён з Рыа-дэ-Жанейра і іншыя знакавыя архітэктурныя аб'екты, паведамляе Onliner. Макеты ствараліся і распісваліся ў Цэнтры сучасных мастацтваў на вачах у наведвальнікаў. Інсталяцыя прабудзе на ўсеагульным аглядзе да 9 снежня.
Выстава мініяцюр - фінальная частка сумеснага беларуска-бразільскага праекта Vulica Brasil, які праходзіў у Менску з кастрычніка па лістапад. Абмен вопытам у сферы стрыт-арта пачаўся са стварэння графіці на фасадах будынкаў, размешчаных на вуліцах Кастрычніцкай і Фабрычнай. Свае манументальныя работы на памяць гораду пакінулі мастакі з Бразіліі і гарадоў Беларусі. Затым рушыла ўслед серыя нефармальных сустрэч з удзелам бразільскіх гасцей. Завяршэнне праекта адзначылі інсталяцыяй на адкрытай прасторы.
Фота: Улад Барысевіч, onliner.by