Google арандавала аэрадром NASA на 60 гадоў
3- 11.11.2014, 22:03
- 7,085
Google заплаціць NASA больш $1,1 млрд. за арэнду, а таксама возьме на сябе абавязацельствы ў рэканструкцыі Hangar One.
Кампанія Google заплаціць NASA больш $1,1 млрд. за арэнду аэрадрома і ангараў на працягу 60 гадоў, а таксама возьме на сябе абавязацельствы ў рэканструкцыі будынка, вядомага як Hangar One. Яно было адкрытае ў 1933 годзе і з'яўляецца адным з найбуйнейшых у свеце будынкаў падобнага тыпу (маюцца на ўвазе вялікапралётныя будынкі без унутраных калон), піша Onliner.by.
Арандаваны аэрадром і ангары могуць выкарыстоўвацца Google для даследаванняў, звязаных з вывучэннем космасу, для распрацоўкі, тэставання і зборкі робатаў і г. д. У сваю чаргу, NASA зможа штогод эканоміць $6,3 млн. на ўтрыманні аэрадрома і пабудоў, паведамляе The Verge.
Акрамя платы за арэнду, Google выдаткуе $200 млн. на прывядзенне ўсіх канструкцый і плошчаў у належны стан і іх мадэрнізацыю, а таксама на адкрыццё навучальнага цэнтра. Калі менавіта пошукавая карпарацыя возьме пад кантроль арандаваны аэрадром, не ўдакладняецца: бакам неабходна прайсці шэраг узгадненняў з мясцовымі кантралюючымі органамі. Таксама Google не раскрывае сваіх планаў, толькі паказваючы на гістарычную каштоўнасць Hangar One.