Літовец вёз з Беларусі 50 кілаграмаў золата ў глушыцелі
14- 14.11.2014, 16:38
- 23,368
Грамадзянін Літвы спрабаваў вывезці з Беларусі буйную партыю кантрабанднага срэбра і золата.
Пра гэта сайту charter97.org паведамілі ў прэс-службе Дзяржаўнага памежнага камітэта.
Мужчына праходзіў афармленне на пункце спрошчанага пропуску «Мальдзевічы». Памежны нарад выявіў тайнік у яго аўто: металічная пласціна была прывараная да дна на нішу глушыцеля. «У ім літовец спрабаваў утаіць ад памежнікаў шарыкі з металу жоўтага і белага колеру. Яны, са слоў кіроўцы, з'яўляюцца залатымі і сярэбранымі. Такія вырабы «ювелір» нібыта выплавілі з радыёдэталяў. Агульная маса шарыкаў склала 50 кг», - адзначылі ў ДПК.
Аўтамабіль і выяўленыя прадметы перададзеныя супрацоўнікам мытні.