Самы высокі чалавек Зямлі сустрэўся з самым маленькім

Турак Султан Кесэн, пагутарыў з непальцам Чандрам Дангі.

Сустрэча ўнікальных прадстаўнікоў чалавецтва адбылася ў Лондане з нагоды 60-годдзя Кнігі рэкордаў Гінеса. Рост Султана Кесэна складае 251 сантыметр, Чандры Дангі - 54,6 сантыметра. Яны абмеркавалі складанасці жыцця людзей, не падобных на іншых. Брытанская сталіца ім вельмі спадабалася, піша Lenta.ru.

Кесэн стаў рэкардсменам у жніўні 2009 года. Папярэднім уладальнікам тытула самага высокага чалавека ў свеце быў жыхар Кітая Баа Сішунь з ростам 236 сантыметраў. Таксама неафіцыйных рэкардсменам лічыўся ўкраінец Леанід Стаднік, які памёр у жніўні 2014 (ён катэгарычна адмаўляўся ад прапанаваных супрацоўнікамі Кнігі рэкордаў Гінеса замераў, каб пазбегнуць вядомасці).

Данг быў упісаны ў Кнігу рэкордаў ў 2012 годзе ва ўзросце 72 гадоў. Ён трапіў у яе выпадкова: маленькага чалавека запрыкмеціў мясцовы непальскі дрывасек. Ён параіў Дангі падаць заяўку ў Кнігу, што і было зроблена. Да гэтага малюсенькі мужчына ніколі не чуў пра яе.

Гісторыя Кнігі рэкордаў Гінеса пачалася ў сярэдзіне 1950-х гадоў. Штогод выходзяць новыя выданні Кнігі, у якіх распавядаецца пра самых незвычайных людзей, жывёл і падзеі. Першапачаткова кніга, якую пачала выдаваць піваварная кампанія Guinness, уяўляла сабой даведнік разнастайных займальных, але вельмі сур'ёзных фактаў. Пазней канцэпцыя сама сабой перайначылася.