Парашэнка прапанаваў Радзе скасаваць асаблівы статус Данбаса

Прэзідэнт Украіны ўвёў у дзеянне пастанову Рады нацыянальнай бяспекі і абароны ад 4 лістапада 2014.

Адпаведны ўказ №875 ад 14 лістапада размешчаны на сайце Пятра Парашэнкі.

«Увесці ў дзеянне пастанову Рады нацыянальнай бяспекі і абароны Украіны ад 4 лістапада 2014 «Аб неадкладных мерах у стабілізацыі сацыяльна-эканамічнай сітуацыі ў Данецкай і Луганскай абласцях, - гаворыцца ва ўказе. - Кантроль за выкананнем пастановы Рады нацыянальнай бяспекі і абароны Украіны, уведзенай у дзеянне гэтым Указам, ускласці на Сакратара Рады нацыянальнай бяспекі і абароны Украіны».

Указ уводзіцца ў дзеянне з дня апублікавання. Прынамсі, гэтай пастановай РНБА прапаноўваецца Вярхоўнай Радзе скасаваць закон аб адмысловым рэжыме самакіравання ў асобных раёнах Данбаса.

«Падтрымаць прапанову прэзідэнта Украіны што да ўнясення ім ва ўстаноўленым парадку на разгляд Вярхоўнай Рады Украіны як неадкладнага законапраекта аб прызнанні страціўшым сілу закона Украіны «Аб асаблівым парадку мясцовага самакіравання ў асобных раёнах Данецкай і Луганскай абласцей», - гаворыцца ў пастановы РНБА Украіны.