На матчы БАТЭ - «Порту» закрыюць адзін з сектараў «Барысаў-Арэны»

Рашэнне аб гэтым прынятае УЕФА.

Падчас матчу пятага тура групавога этапу футбольнай Лігі чэмпіёнаў паміж барысаўскім БАТЭ і партугальскім "Порту" будзе закрыты адзін з сектараў "Барысаў-Арэны", паведамляе БелТА.

Такое рашэнне было прынятае камітэтам дысцыплінарных і этычных пытанняў УЕФА паводле вынікаў спецыяльнага пасяджэння, на якім быў разгледжаны інцыдэнт з праявай расізму 21 кастрычніка ў "Барысаў-Арэне" падчас паядынку Лігі чэмпіёнаў паміж БАТЭ і данецкім "Шахцёрам". У той гульні барысаўчане саступілі гасцям з буйным лікам 0:7, а непрыемны інцыдэнт адбыўся пасля апошняга гола.

Паводле вынікаў пасяджэння вырашана закрыць для заўзятараў сектар D1, з якога гучалі расісцкія выкрыкі, на адзін матч пад эгідай УЕФА. Такім чынам, падчас паядынку з партугальскім "Порту" 25 лістапада допуск гледачоў на гэты сектар будзе забаронены.

Пасля чатырох тураў спаборніцтваў у групе Н чэмпіёнскай Лігі становішча каманд наступнае: "Порту" - 10 ачкоў (розніца мячоў - 12-3), "Шахцёр" - 8 (14/02), БАТЭ - 3 (2-19), "Атлетык "- 1 (2-6).

Футбалісты "Порту" ўжо забяспечылі сабе пуцёўку ў 1/8 фіналу галоўнага кантынентальнага турніру.