Ахлабысцін упрыгожыў свой iPhone выявай «святога» Пуціна

Расейскі актор, які падтрымлівае агрэсію РФ супраць Украіны, у сваім жаданні дагадзіць расейскаму прэзідэнту даходзіць да абсурду.

Зорка серыяла «Інтэрны» - чалавек веруючы, прынамсі, сам ён менавіта так думае. Ёсць у яго і царкоўны сан, а да яго, мабыць, прыкладаецца магчымасць дадаваць арэол святасці палітыкам вышэйшага рангу, піша obozrevatel.com.

Як паведамляе TopPeoples, у сваім фотаблогу Ахлабысцін выклаў Сэлф, на якім засвяціў новы чахол для свайго «айфона». Тэлефон вытворчасці «варожай», амерыканскай кампаніі ўпрыгожыў... залаты Пуцін!

Пры гэтым вакол галавы расейскага прэзідэнта на чахле Ахлабысціна ўзвышаецца нешта накшталт німба.