«Прессбол»: Хацкевіч будзе прызначаны галоўным трэнерам зборнай Беларусі

Беларускі спецыяліст Аляксандр Хацкевіч будзе прызначаны ў бліжэйшы час галоўным трэнерам зборнай Беларусі.

Гэта адбудзецца незалежна ад зыходу яе таварыскай сустрэчы з мексіканцамі, піша «Прессбол».

Як паведамлялася раней, яшчэ месяц таму Аляксандр Хацкевіч правёў перамовы ў Кіеве з першым намеснікам старшыні АБФФ Сяргеем Сафар’янам. Абмеркаваўшы ўмовы і тэрмін магчымага кантракту, ён даў згоду ўзначаліць беларускую каманду.

А ў пачатку лістапада ўжо Аляксандр Хацкевіч прылятаў у Менск на сустрэчу з кіраўніком федэрацыі Сяргеем Румасам.