Беларусь спросціць выдачу экспартных крэдытаў

Урад Беларусі абяцае максімальна спрасціць працэдуру выдачу экспартных крэдытаў.

Пра гэта заявіў прэм’ер-міністр Міхаіл Мясніковіч, піша newsbel.by.

У сваім выступе ён удакладніў, што для гэтага плануецца пашырэнне сферы дзеяння ўказа «Аб садзейнічанні развіццю экспарту тавараў» і падаўжэнне дзеяння ўказа «Аб некаторых мерах у рэалізацыі тавараў вытворчасці РБ».

Мэтай гэтых планаў з'яўляецца максімальнае спрашчэнне выдачы экспартных крэдытаў з адначасовым павелічэннем колькасці іх атрымальнікаў. Пад імі прэм'ер-міністр мае на ўвазе рэзідэнтаў-экспарцёраў і нерэзідэнтаў з краін-імпарцёраў. Дадаткова ён удакладніў, што гаворка ідзе аб кампенсацыі адсоткавых крэдытных ставак банкам-нерэзідэнтам.

Паведамляецца, што праекты для гэтых нарматыўных прававых актаў гатовыя. Меры, якія змяшчаюцца ў іх, нацэленыя на выкананне прагнозу сацыяльна-эканамічнага развіцця Беларусі на 2015 год. Ён быў дапрацаваны з улікам даручэнняў ад кіраўніка дзяржавы.