Новыя калоны вайсковай тэхнікі з Расеі ўваходзяць ва Украіну

Дзве калоны тэхнікі рухаюцца да Луганску.

Яны ўвайшлі з Расеі на тэрыторыю акупаванага Данбаса праз пункт пропуску "Ізварын". Пра гэта падчас брыфінгу паведаміў спікер Інфармацыйнага цэнтра Рады нацыянальнай бяспекі і абароны Украіны Андрэй Лысенка.

З ягоных слоў, гаворка ідзе пра 40 грузавікоў у суправаджэнні 2 бронемашын і УАЗа, большасць з якіх - тэнтаваныя КамАЗы 7 аўтамабіляў перавозілі вайскоўцаў, больш за 20 аўтамабіляў перавозілі на прычэпах артылерыйскія ўстаноўкі.

Акрамя гэтага, праз пункт пропуску "Даўжанскі" ў кірунку Антрацыту Луганскай вобласці таксама рушыла ўслед 10-12 тэнтаваных вайсковых грузавых аўтамабіляў.

"Падкрэслім, што менавіта ў гэтых пунктах пропуску Расея заблакавала працу назіральнай місіі АБСЕ", - сказаў Лысенка.

Цяпер у Данецкай і Луганскай абласцях працуюць 142 назіральнікаў, з якіх 11 з'яўляюцца грамадзянамі Расеі, столькі ж - з ЗША, 14 назіральнікаў з'яўляюцца грамадзянамі Вялікай Брытаніі. Большасць назіральнікаў - прадстаўнікі еўрапейскіх краін, прынамсі, краін Цэнтральна-Усходняй Еўропы.

Нагадаем, паведамленні аб пранікненні ва Украіну калон вайсковай тэхнікі з Расеі пачасціліся ў апошні месяц.

Архіўнае фота unn.com