У Горадні шукаюць самых спартыўных Дзядоў Марозаў і Снягурак

У Горадні перад пачаткам зімовых святаў вызначаць самых спартыўных Дзядоў Марозаў і Снягурак.

У Горадні спартыўны старт зімовых святаў дасць традыцыйны лёгкаатлетычны крос пад назвай «Калядныя і навагоднія старты», які адбудзецца ў шматфункцыянальным спартыўным комплексе «Нёман» 21 снежня, паведамляе БелТА.

Першы забег на 400 м пад назвай «Кубак Дзеда Мароза» ўдзельнікі ў абавязковым парадку бягуць у касцюмах Дзеда Мароза альбо Снягуркі. Пасля гэтага будуць вызначаныя пераможцы навагодніх стартаў на дыстанцыі 4 км. У праграме спаборніцтваў для юнакоў і дзяўчат ад 13 да 18 гадоў і старэй таксама запланаваны бег на 50 м, 150 м, 60 м з бар'ерамі, скачкі ў вышыню, скачкі з шастом. Іншыя цікавыя віды прадугледжаныя для ўсіх аматараў бегу ад 16 да 70 гадоў і старэй.

Спаборніцтвы з'яўляюцца адкрытымі, узяцт у іх удзел заклікаюць усіх жадаючых, а таксама зборныя каманды гарадоў, раёнаў і спартыўных школ Беларусі. Для гэтага неабходна адправіць заяўку ў кіраванне спорту і турызму, а таксама падаць даведку ад лекара. Пераможцы атрымаюць прызы. Акрамя грашовага ўзнагароджання за прызавыя месцы, заснаваны прызы за арыгінальнасць касцюмаў навагодніх персанажаў.

Такія спаборніцтвы ў Горадні праводзяцца на ініцыятыву ўпраўлення спорту і турызму з 2008 года. Тады пастанавілі адрадзіць традыцыю правядзення навагодніх лёгкаатлетычных прабегаў, якая існавала яшчэ ў савецкія часы. Ідэя ператварылася ў адзін са значных спартыўных стартаў года.

Фота: onliner.by