У Беларусі падаражэла харчаванне ў дзіцячых садках

Грашовыя нормы расходаў на харчаванне ў дашкольных установах выраслі.

Гэта прадугледжана пастановай Савета Міністраў Беларусі ад 26 лістапада 2014 года №1104 «Аб унясенні змяненняў у пастанову Саўміна ад 27 красавіка 2013 №317», якая 29 лістапада апублікаваная на Нацыянальным прававым інтэрнэт-партале Беларусі, паведамляе БелТА.

Так, выдаткі на харчаванне ва ўстановах з працягласцю знаходжання 10,5 гадзіны для дзяцей ва ўзросце 1-2 гады павялічваюцца з Br14,010 тыс да Br15,410 тыс, ва ўзросце 3-6 гадоў - з Br17,770 тыс да Br19,550 тыс.

Для дашкольных устаноў, у якіх дзеці праводзяць 12 гадзін, нормы расходаў таксама павышаныя. Для малодшых груп кошты падняліся з Br18,260 тыс да Br20,090 тыс, для дзяцей 3-6 гадоў - з Br22,030 тыс да Br24,230 тыс.

Акрамя таго, змяняецца кошт харчавання для дзяцей, якія навучаюцца ў санаторных яслях-садах, дзіцячых садках і групах, установе адукацыі «Рэспубліканскі цэнтр для дзяцей дашкольнага ўзросту з парушэннем слыху» з працягласцю знаходжання ад 12 да 24 гадзін. Для дзяцей ва ўзросце 1-2 гады кошт харчавання павялічылася з Br20,940 тыс да Br23,030 тыс для дзяцей 3-6 гадоў - з Br26,350 тыс да Br28,990 тыс.

У пастанове закранутыя таксама дашкольныя ўстановы на тэрыторыі радыеактыўнага забруджвання. Грашовыя выдаткі на харчаванне ў такіх установах з працягласцю знаходжання 10,5 гадзіны падняліся для дзяцей 1-2 гадоў з Br16,550 тыс да Br18,210 тыс, для дзяцей 3-6 гадоў - з Br21,510 тыс да Br23, 660 тыс. У малодшых групах, дзе хлопцы знаходзяцца 12 гадзін, нормы падняліся з Br19,6 тыс да Br21,560 тыс. У групах ад 3 да 6 гадоў - c Br25,130 да Br27,640.

Грашовыя нормы расходаў на харчаванне выраслі таксама ў цэнтрах карэкцыйна-развіваючага навучання і рэабілітацыі, школах, гімназіях і ліцэях.

Пастанова уваходзіць у дзеянне з моманту яе афіцыйнага апублікавання.