«Белнафтахім» пачне разводзіць свіней

Канцэрн выступіць інвестарам будаўніцтва буйнога свінагадоўчага комплексу ў Рэчыцкім раёне.

Арыенціровачны кошт комплексу складзе 18 млн еўра. Пра гэта паведамілі charter97.org у прэс-службе «Белнафтахіма».

«Інвестуючы ў беларускую сельскую гаспадарку, канцэрн уносіць свой уклад у павышэнне яго канкурэнтаздольнасці і забеспячэнне харчовай бяспекі краіны», - упэўненыя ў ведамстве.

Новы свінакомплекс ствараецца на базе камунальнага сельскагаспадарчага ўнітарнага прадпрыемства «Агракамбінат Холмеч», адной з перадавых гаспадарак рэгіёну і будзе забяспечаны кармамі мясцовай вытворчасці. Мяркуецца, што магутнасць комплексу складзе 24 тысяч галоў свіней у год.

Пабудаваць аб'ект плануецца хуткімі тэмпамі - да канца 2015 года. Будзе створана не менш за 100 высокааплатных працоўных месцаў. Намечана таксама будаўніцтва мясаперапрацоўчага цэха.