Гарады Беларусі цяпер можна разгледзець на новых здымках з космасу

Усе гарады Беларусі цяпер можна разгледзець з космасу ў высокім дазволе.

Абноўленыя спадарожнікавыя здымкі краіны з'явіліся на Яндэкс.Карты, паведамілі charter97.org у прэс-службе кампаніі «Яндэкс».

Фотаздымкі 18 населеных пунктаў былі зробленыя ў сакавіку-верасні гэтага года і замянілі спадарожнікавыя здымкі папярэдніх гадоў. Бліжэйшым часам спіс папоўняць і іншыя гарады рэспублікі. Адзіным беларускім горадам, які пакуль заставаўся без дэталізаваных фатаграфій са спадарожніка, былі Старыя Дарогі - цяпер і іх можна вывучыць ў драбнюткіх падрабязнасцях з дапамогай сэрвісу maps.yandex.ru.

У кастрычніку на картах цалкам абнавіліся і спадарожнікавыя здымкі Менска. Цяпер на іх можна ўбачыць новы будынак Музея гісторыі ВАВ, плошча Рэспублікі і сталічны аквапарк. З буйных аб'ектаў на новых спадарожнікавых фотаздымках прысутнічае таксама стадыён «Барысаў-Арэна».

На абноўленых здымках можна дэталёва разгледзець новыя збудаванні, узведзеныя за апошнія гады і месяцы. Карыстальнікам добра бачныя сілуэты дамоў, трыбуны стадыёнаў і нават аўтамабілі на стаянках. Максімальнае набліжэнне «з космасу» на фотаздымках дасягае 0,5 м на піксель.

Здымкі са спадарожніка дазваляюць лепш арыентавацца на незнаёмай мясцовасці. Іх таксама можна выкарыстоўваць для арганізацыі падарожжаў па Беларусі. Акрамя таго, па новых спадарожнікавых здымках карыстальнікам зручней абнаўляць інфармацыю на Народнай мапе.

Часцей за ўсё беларускіх карыстальнікаў Яндекс.Карт цікавяць схемы праезду і выбар маршруту з дапамогай сэрвісу. Многія вывучаюць коркі, каб ўлічваць іх у дарозе, а таксама разглядаюць панарамы гарадоў.