Саўчанка напісала рапарт аб звальненні з украінскага войска
13- 7.11.2014, 14:24
- 27,740
Украінская лётчыца Надзея Саўчанка напісала заяву аб звальненні з ВПС Украіны.
Гэта адбылося ў сувязі з тым, што яна стала дэпутатам Вярхоўнай Рады ад партыі «Батькивщина». Як распавёў адвакат затрыманай лётчыцы Марк Фейгін, словы якога цытуе ТАСС, абарона збіраецца дамагацца для яе статусу ваеннапалонных.
«Я б хацеў сказаць, што Надзея Саўчанка падала заяву аб звальненні з узброеных сілаў Украіны, так як стала дэпутатам Рады», - распавёў Фейгін.
Саўчанка ўзначаліла выбарчы спіс ад партыі «Батькивщина» разам з былым украінскім прэм'ер-міністрам Юліяй Цімашэнкай на мінулых выбарах у Вярхоўную Раду. Партыі ўдалося набраць 5,6 адсоткі галасоў выбаршчыкаў, неабходных для траплення ў парламент. Лідэрка партыі Юлія Цімашэнка выказала ўпэўненасць, што дэпутацкі статус дапаможа Саўчанцы выйсці на свабоду.
У пачатку чэрвеня 31-гадовая Надзея Саўчанка трапіла ў палон да апалчэнцаў у складзе дабравольніцкага батальёна «Айдар», які ваяваў на паўднёвым усходзе Украіны. Праз месяц яна была затрыманая расейскімі праваахоўнымі органамі і этапаваная ў СІЗА Варонежа. У канцы кастрычніка Басманны суд падоўжыў тэрмін яе арышту да 13 лютага 2015 г..
У Расеі Саўчанку абвінавачваюць у датычнасці да забойства журналістаў ВГТРК Ігара Карнелюка і Антона Валошына пад Луганскам. Паводле версіі следства, яна перадала каардынаты здымачнай групы тэлеканала камандаванню батальёна, пасля чаго па ўказаных пазіцыях быў адкрыты мінамётны агонь. Сама Саўчанка ўсе абвінавачванні адмаўляе.