Выйшаў трэйлер навагодняй казкі з Джоні Дэпам і Мэрыл Стрып (Відэа)

У сетцы з'явіўся новы трэйлер музычнай навагодняй казкі «Чым далей у лес», у якой Мэрыл Стрып сыграла ведзьму, а Джоні Дэп - ваўка.

Як піша The New York Post, у карціне таксама прымуць удзел Эмілі Блант, Ганна Кендрык, Крыс Пайн. «Чым далей у лес» - экранізацыя аднаго з самых яркіх брадвейскіх мюзіклаў, створанага паводле матываў лепшых казак братоў Грым і Шарля Перо. Паводле сюжэту галоўныя героі - пекар і ягоная жонка - хочуць завесці дзіця, але ім перашкаджае праклён, які ведзьма, якая жыве па суседству, абяцае зняць за пэўную плату.

Рэжысёрам мюзікла кампанія Дысней запрасіла стаць Роба Маршала, які атрымаў Оскар за «Чыкага» ў 2002 і за «Мемуары Гейшы» ў 2005 годзе. Таксама ён зняў «Піраты Карыбскага мора: На дзіўных берагах» у 2011 годзе.