Што бачаць пілоты пры пасадцы ў самым небяспечным аэрапорце планеты (Відэа)
9- 8.11.2014, 10:15
- 47,061
Пасадзіць самалёт тут - сапраўднае майстэрства.
Аэрапорт Пара ў Бутане размешчаны ў некалькіх кіламетрах ад аднайменнага горада ў цеснай даліне ракі Пара, на вышыні двух тысяч метраў над узроўнем мора. Пры гэтым аэрапорт акружаны некалькімі гарамі-пяцітысячнікамі, што робіць яго адным з самых складаных для прызямлення на планеце.
І як быццам звычайных складанасцей з геаграфіяй мала, але ўзлётная паласа ў Пара таксама досыць кароткая.
Журналістка кампаніі BBC Кармэн Робертс далучылася да пілотаў самалёта ў кабіне лайнера для таго, каб зафатаграфаваць тое, што бачыць экіпаж падчас набліжэння да Пара і пасадкі самалёта.
Пілоты лайнера павінны быць сертыфікаваныя спецыяльна для пасадкі ў гэтым адзіным аэрапорце Бутану. Сам жа камандзір карабля падчас пасадкі тлумачыць карэспандэнту, што па меры набліжэння да аэрапорта ён вымушаны адключаць аўтапілот і арыентавацца выключна на ўласнае веданне мясцовасці (напрыклад, першапачаткова аэрапорт скрыты за адной з гор і яго не відаць). Адным словам, саджаць рукамі, не маючы магчымасці скарыстацца якімі-небудзь дадатковымі прыладамі на борце.