Мацвей Ганапольскі: Пуцін закручвае спружыну расейскага Майдана

Арышт Навальнага будзе мець сур'ёзныя наступствы для расейскіх уладаў.

Аб гэтым піша вядомы журналіст і публіцыст Мацвей Ганапольскі ў сваім акаўнце ў сацыяльнай сетцы «Фэйсбук», каментуючы суд над апазіцыянерам.

«Я, на жаль, нічым не магу дапамагчы Аляксею, але калі яму сапраўды дадуць тэрмін, то гэта будзе мець для Пуціна вельмі сур'ёзныя наступствы, бо ён робіць сваім ворагам усю інтэлігенцыю Расеі. Гэта не Хадаркоўскі, тут чысты варыянт знішчэння праз палітыку чалавека, які займаўся карупцыяй сярод пуцінскай «шарашкі». І непазбежна, дэзарганізаванае вайной з Украінай, жыццё апазіцыі стане вельмі асэнсаваным, а новыя заходнія санкцыі за расправу над іншадумцамі, неадкладна ўпрыгожаць пуцінскія будні. Навальны вырас у зразумелага і цвярозага палітыка, і яго апошняе слова - не выпадковы парафраз салжэніцынскага тэзіса «Жыць не па хлусні». Пуцін закручвае спружыну расейскага Майдана. Калі Навальнага пасадзяць, гэты майдан непазбежны», - піша Мацвей Ганапольскі.

Прысуд Аляксею і Алегу Навальным будзе абвешчаны 15 студзеня 2015 г а 10:30.