У Ватыкане запалілі калядную ялінку (Відэа)
1- 20.12.2014, 12:47
- 4,874
На плошчы Святога Пятра ў Ватыкане ў пятніцу, 19 снежня, урачыста запалілі гірлянду на каляднай ялінцы.
На самай справе гэта піхта, якую папе рымскаму падарылі жыхары паўднёваіталійска вобласці Калабрыя. Размах галін дасягае 10 метраў, а дыяметр ствала ў камлі - больш за паўметра, паведамляе Euronews.
Далучыцца да свята прыехалі вернікі і проста турысты.
«Гэта сімвал хрысціянства, але гэта і святы, і свецкі сімвал: бо калядная батлейка - гэта хрысціянства, а ялінка - свецкая традыцыя. Дзецям усё гэта падабаецца, так што дома мы ладзім абодва святы», - заявіў адзін з іх.
«Гэтая традыцыя аб'ядноўвае сям'ю дзеля свята. Гэта і звычай, і спосаб сабрацца разам проста дзеля таго, каб прыбраць ялінку - гэта, вядома, вельмі сімвалічнае дзеянне», - падзяліўся іншы турыст.
Ялінка па традыцыі ўсталяваная побач з егіпецкім абеліскам - цэнтральным элементам плошчы Святога Пятра.
Будынак вакол плошчы, уключаючы сабор, упершыню ўпрыгожаны святочнай ілюмінацыяй: у Ватыкане асабліва падкрэсліваюць, што былі выкарыстаныя энэргазберагальныя лямпы.
