Украінскія хакеры ўзламалі e-mail чыноўніцы МУС Расеі
- 20.12.2014, 13:34
- 13,809
Электронная пошта прэс-сакратаркі Міністэрства ўнутраных спраў РФ узламаная хакерамі.
Пра гэта паведаміў лідар «Украінскай кіберарміі» Яўген Дакунін у сваім акаўнце ў сацыяльнай сетцы «Фэйсбук».
«Гэта пошта Вольгі Барашкінай - начальніцы прэс-службы ПЗУУСТ [Паўночна-Заходняе ўпраўленне ўнутраных спраў на транспарце]. У архіве 587 МБ звестак (796 лістоў). Гэтыя звесткі раней ужо перадаў у СБУ», - напісаў ён.
Як адзначыў Дакунін, у пошце можна знайсці «цікавую інфармацыю».