Баранавіцкаму актывісту Дзмітрыю Палойка забаронена пакідаць Беларусь

Актывіст снежня 21 выйшаў на свабоду пасля 10 дзён арышту.

Грамадскі актывіст Дзмітрый Палойка, які быў асуджаны судом Баранавіцкага раёна і горада Баранавічы за дробнае хуліганства паводле арт. 17.1 КаАП на 10 дзён арышту, 21 снежня выйшаў на волю.

Нягледзячы на глыбокую ноч ля будынка гарадской міліцыі яго сустрэлі грамадскія актывісты і адвезлі да месца жыхарства, піша ПЦ «Вясна».

, - паведаміў актывіст руху «За свабоду» Віктар Сырыца.

Ён дадаў, што Дзмітрыю Палойка цяпер забаронена пакідаць Рэспубліку Беларусь.

Нагадаем, што па прыездзе з Украіны ў Баранавічы на чыгуначным вакзале актывіст Палойка быў затрыманы міліцыяй і супрацоўнікамі КДБ. Тут на яго быў складзены адміністрацыйны пратакол за непадпарадкаванне супрацоўнікам міліцыі і Баранавіцкі гарадскі суд прызнаў яго вінаватым і прысудзіў да 10 дзён арышту, якія ён адбываў у ізалятары часовага ўтрымання ГАУС.