Прамысловая вытворчасць Менска абрынулася на 9,6% у студзені-лістападзе

Складскія запасы наадварот выраслі амаль на 35%.

Прамысловая вытворчасць Менска ў студзені-лістападзе 2014 абрынулася на 9,6% у гадавым вылічэнні пасля зніжэння на 16,8% у студзені-лістападзе 2013 года і склала Br105,2 трлн. Пра гэта паведамляе АФН са спасылкай на Нацыянальны статыстычны камітэт.

Валавы рэгіянальны прадукт у студзені-лістападзе вырас на 0,7% да Br171,6 трлн.

Запасы гатовай прадукцыі на 1 лістапада 2014 года склалі Br9,8 трлн або 133,5% да сярэднямесячнага аб'ёму вытворчасці (супраць 98,5% на 1 студзеня 2014).

Інвестыцыі ў асноўны капітал знізіліся на 6,1% і склалі Br44,3 трлн. Аб'ём жыллёвага будаўніцтва вырас на 7,2% да 1015,3 тысяч кв. м.

Рознічны тавараабарот павялічыўся на 7,6% і склаў Br80,7 трлн, аптовы - на 12,6% да Br325,8 трлн.