Moody's панізіла рэйтынг «Газпрама»

Рэйтынгавае агенцтва Moody's у аўторак увечары панізіла рэйтынг «Газпрама» ў замежнай валюце да Baa2.

Прагноз - негатыўны. Рэйтынг канцэрна Baa1 у нацыянальнай валюце пастаўлены на перагляд з магчымасцю паніжэння, піша РБК.

У заяве агенцтва адзначаецца, што рэйтынг паніжаны пасля пастановы Moody's знізіць столі рэйтынгаў еўрааблігацый расейскіх кампаній і іх валютных дэпазітаў. Прычынамі называецца імклівае пагаршэнне аперацыйнага асяроддзя ў Расеі, а таксама ўзрослыя рызыкі працяглага падзення эканомікі.

Агенцтва адзначае пастанова Банка Расеі павысіць базавую ўліковую стаўку да 17%, што, на думку экспертаў Moody's, пагоршыць сітуацыю ў прамысловасці: «Прытым што агенцтва прызнае моцныя бакі пазіцыі «Газпрама», яно паказвае, што ў эканамічнай сітуацыі, што склалася ўзрасла рызыка негатыўных наступстваў дзяржаўнага ўмяшання. У гэтых умовах дзейнасць кампаніі ўсё больш залежыць ад агульных праблем у эканоміцы».

Moody's адзначыў, што далейшае змяненне рэйтынгу «Газпрама» залежыць, у тым ліку, ад суверэннага рэйтынгу Расеі і рэйтынгу расейскіх дзяржаўных аблігацый.

Прадстаўнік «Газпрама» не адказаў на запыт РБК з нагоды рашэння рэйтынгавага агенцтва.

Таксама ў аўторак агенцтва паставіла на перагляд рэйтынгі 16 расейскіх фінансавых інстытутаў, уключаючы найбуйнейшыя прыватныя і дзяржаўныя банкі. Пад перагляд рэйтынгу патрапілі найбуйнейшыя прыватныя і дзяржаўныя банкі, уключаючы Ашчадбанк, ВТБ, Газпрамбанк, Рассельгасбанк, Альфа-банк, Зеніт, Расбанк, Прамсувязьбанк, «Адкрыццё» і інш. Перагляд будзе ажыццяўляцца асобна па кожнаму банку.

Акрамя гэтага, агенцтва змясціла на перагляд рэйтынгі 27 расейскіх кампаній. У іх ліку «Башнафта», НОВАТЭК, «Руснафта», «Атамэнэргапрам», «Enel Расея», «Інтэр РАТ», «Ленэнэрга», «МОЭСК», «Наварасейскі гандлёвы марскі порт», «Рассеткі», «Русгідра», «Уралкалій», «Фосагра», НЛМК, «Распадская», «Іркут», «КамАЗ», гаворыцца ў афіцыйным паведамленні Moody's.