Лія Ахеджакава распавяла аб «страце» сваякоў праз пазіцыю наконт Крыму

Актрыса заявіла, што адрозна ад Андрэя Макарэвіча нічога дрэннага на свой адрас яна не чула.

Актрыса Лія Ахеджакава, якая асуджае палітыку Расеі, у інтэрв'ю "Еспресо ТБ" заявіла, што адрозна ад Андрэя Макарэвіча нічога дрэннага на свой адрас яна не чула. Аднак, як здаецца Ахеджакавай, праз ейную пазіцыю наконт Украіны ад яе адкаснуліся сваякі.

"Пытанне адасаблення Крыма ад Украіны падзяліла шмат радзін, сяброў і грамадства. У мяне такое ўражанне, што ад мяне сваякі адмовіліся, але не ведаю, можа, і не факт", - заявіла актрыса ўкраінскаму каналу.

На пытанне аб тым, што можа "вылечыць розумы" расейцаў, Ахеджакава адказала, што "эканоміка - добры лекар" і дзеля цяжкай сітуацыі ў краіне людзі, можа быць, прачнуцца. Але, як дадала актрыса, адсотак разважных людзей у Расеі нікчэмна малы ў параўнанні з "патрыятычнай большасцю", якая паддаецца прапагандзе расейскай тэлевізіі.

"Я не празорца, я актрыса, я не магу сказаць, што чакае нашу краіну, але цяпер ужо ёсць прадвеснікі вялікай бяды. Усё, што адбываецца ў краіне - гэта вельмі страшныя і кепскія прыкметы часу", - дадала Ахеджакава.

Фота: РІА «Новости»