Слонімскі валютчык за тры месяцы зарабіў 237 мільёнаў

Беспрацоўны слонімскі валютчык атрымаў 237 мільёнаў рублёў за тры месяцы.

15 снежня праваахоўнікі горада Слоніма завялі крымінальную справу на валютчыка, паведамляе "Газета Слонімская". Будучы афіцыйна беспрацоўным, мужчына за 3 месяцы атрымаў даход у 237 мільёнаў рублёў, паведамляецца ў зводцы МУС.

50-гадовы валютчык, які афіцыйна нідзе не працуе, за 3 месяцы, са жніўня па кастрычнік, атрымаў ад сваёй дзейнасці 236,9 мільёна рублёў.

На мужчыну заведзеная крымінальная справа паводле ч. 1 арт. 233 Крымінальнага кодэкса "Незаконная прадпрымальніцкая дзейнасць". Калі суд прызнае яго вінаватым, валютчыку пагражае адно з наступных відаў пакаранняў: штраф, да 6 месяцаў арышту, да 2 гадоў абмежавання волі або да 3 гадоў пазбаўлення волі.