Visa і MasterCard адключылі расейскія банкі ў Крыме
18- 26.12.2014, 18:40
- 16,098
Міжнародныя аплатныя сістэмы Visa і MasterCard прынялі рашэнне адключыць ад сваіх сэрвісаў расейскія банкі, якія дзейнічаюць у Крыме.
Пра гэта паведаміў Banki.ru крыніца, блізкая да аплатнай сістэмы.
На зварот партала да Visa плацежная сістэма заявіла, што ў бліжэйшы час распаўсюдзіць афіцыйнае паведамленне ў гэтым пытанні.
У дакуменце адзначаецца, што амерыканскія санкцыі "забараняюць кампаніям Visa International Service Association, Visa USA Inc. і Visa Inc. аказваць паслугі, а таксама проста або ўскосна спрыяць правядзенню транзакцый у Крыме".
Як паведамлялася, са ўчора крымчане скардзяцца ў сацсетках, што іх карты Visa перасталі працаваць. Таксама паведамляецца аб блакаванні карт Visa іншых банкаў, у тым ліку замежных: банкаматы паказваюць памылку і немагчымасць абслугоўвання карткі кліента.
У офісе Visa на запыт Корреспондент.net пакуль не падалі пацвярджальнай інфармацыі.
Як паведамілі ў кампаніі MasterCard, гэтае абмежаванне ўведзенае "ў сувязі з санкцыямі ЗША, абвешчанымі супраць Крыму".
У сваю чаргу ў Цэнтрабанку РФ заявілі, што банкі Крыма прадаўжаюць працаваць у звычайным рэжыме.
Нагадаем, 19 снежня, прэзідэнт ЗША Барак Абама падпісаў указ пра новыя санкцыі супраць Расеі. У прыватнасці, ва ўказ ўключаныя меры супраць любой эканамічнай актыўнасці, звязанай з Крымам.
Таксама 20 кастрычніка ў сілу ўступілі ў сілу чарговыя санкцыі Еўразвяза, прынятыя ў сувязі з украінскім крызісам. Яны датычацца інвестыцый у Крым і гандлю з анексаваным Расеяй паўвостравам.