Два беларусы затрыманыя ў Тайландзе ў падазрэнні ў махлярстве

На выспе Пхукет у Тайландзе ў пятніцу затрыманыя двое грамадзян Беларусі.

Іх падазраюць у махлярстве з банкаўскімі картамі. Агульная сума шкоды ацэньваецца паліцыяй у 1,1 млн бат (33 тысячы даляраў), паведамляе TUT.by са спасылкай на Bangkok Post.

Паліцыя затрымала 35-гадовых Мікалая Раманькова і Сяргея Бандаркова (Mikalai Ramankou and Siarhei Bandarkou) у гатэлі, канфіскавала восем падробленых банкаўскіх картак і два пашпарты.

Сілавікі адгукнуліся на запыт Siam Commercial Bank, які паскардзіўся на двух замежнікаў, якія пераводзілі ў гатоўку падробленыя банкаўскія карты.

Следства выявіла, беларусы прыбылі ў Тайланд 3 снежня, гэта быў іх ужо чацвёрты візіт на турыстычны курорт.

Пара канфіскавала каля 1 млн батаў з банкаматаў у сталіцы Тайланда Бангкоку і яшчэ 100 тысяч батаў з шасці банкаматаў у Пхукеце. Канфіскаваныя карты належаць людзям, якія пражываюць у іншых краінах.

Падазраваныя сцвярджаюць, што "знайшлі восем банкаўскіх карт у прыбіральні аэрапорта Пхукет, а пароль кожнай меўся на задняй частцы карты". Яны пераводзілі ў гатоўку карты і пераводзілі грошы на свае банкаўскія рахункі ў Беларусі.

Беларусам пагражае турэмнае зняволенне на тэрмін ад аднаго да 10 гадоў, а таксама максімальны штраф у 200 тысяч батаў.