З танулага ў Адрыятыцы парома эвакуіяваныя 60 чалавек з 500

Пажар на судне не сунімаецца.

Толькі шэсцьдзесят пасажыраў эвакуяваныя з парома Norman Atlantic, які загарэўся. Пра гэта паведамляе берагавая ахова Грэцыі, піша ТАСС.

Людзі баяцца карыстацца індывідуальнымі выратавальнымі сродкамі для плавання, якія знаходзяцца на пароме, бо бачылі, як скінуты ў ваду невялікі плоцік адразу ж зносіла і пераварочвала хвалямі

Аднак, некалькі чалавек скокнулі ў ваду паблізу ад італійскага судна і былі паднятыя на борт.

Раней паведамлялася, што ў складаных умовах улады змаглі правесці эвакуацыю амаль 500 чалавек з борту. Гэтыя паведамленні не пацвердзіліся. Пажар не сціхае: паводле звестак прэсы, у труме для аўтамабіляў 15 грузавікоў з алеем. Аперацыя праходзіць на фоне чатырохметровых хваль і ветру, хуткасць якога дасягае 80 км/г.

"Аперацыя выратавання людзей доўжыцца, нягледзячы на вельмі неспрыяльныя варункі надвор'я, - паведаміў прадстаўнік берагавой аховы. - Штармавыя вятры дасягаюць 8-10 балаў паводле шкалы Бафор, праз гэта ў моры - чатырохметровыя хвалі. З парома спушчана вялікая шлюпка, у якой знаходзяцца амаль 150 чалавек. 60 з іх ужо атрымалася падняць на борт Spirit of Piraeus".

Грэцкае ТВ паведамляе, што грузавое судна Cruise Europa, якое прыбыла на дапамогу падпаленаму парому, што спусціла на ваду свае ўласныя шлюпкі, пакуль не можа наблізіцца праз шторм да Norman Atlantic. Акрамя вельмі моцнага ветру ідзе дождж з градам. Сем суднаў, уключна з невялікім італійскім рыбалоўным траўлерам, атачылі паром і дапамагаюць у эвакуацыі пасажыраў. Судны ўзялі Norman Atlantic ў кольца для таго, каб паменшыць моцныя хвалі і спрыяць спуску шлюпак на ваду, піша NEWSru.com.

Са слоў відавочцаў, агнём ахопленая кармавая частка судна, адкуль верне моцны дым. Пажар, які ўзнік на гаражнай палубе з 222 аўтамабілямі, не сціхае. Сярод іх - 15 грузавікоў з алеем. "Агонь такі моцны, што супрацьпажарныя дзверы на судне не змогуць яму супрацьстаяць, - сказаў адзін з экспэртаў у эфіры грэцкага канала "Мега". - Там ужо ўсё плавіцца. Вялікі жар адчуваецца на верхняй палубе".

Другую вялікую шлюпку парома не ўдаецца спусціць на ваду. Пасажыры, дзеўшы выратавальныя камізэлькі, знаходзяцца на верхняй палубе. Людзі баяцца карыстацца індывідуальнымі выратавальнымі сродкамі для плавання, якія знаходзяцца на пароме, бо бачылі, як скінутыя ў ваду невялікія плоцікі адразу ж зносіла і пераварочвала хвалямі.

Як паведамляецца, у зону аварыі акрамя грузавых суднаў накіраваныя тры гелікоптэры AB-205 ВПС Грэцыі, гелікоптэр S-70 Hawk ВМС Грэцыі, выратавальны гелікоптэр "Супер Пума" і вайскова-транспартны самалёт С-130. Акрамя гэтага, дадзены загад спрыяць эвакуацыі пасажыраў парома фрэгата "Наварына", які ўжо выйшаў у раён выратавальнай аперацыі.