Сям'я з дзесяці чалавек цудам засталася ў жывых, спазніўшыся на рэйс AirAsia

Прадстаўнікі авіякампаніі не папярэдзілі іх аб пераносе рэйса на дзве гадзіны.

Інданэзійская сям'я з 10 чалавек распавяла мясцовай прэсе аб шчаслівым збегу абставінаў, дзякуючы якому яны ўсе засталіся жывыя. Ары Путра Каньеха збіраўся разам з роднымі ў адпачынак у Сінгапур. Усе з нецярпеннем чакалі гэтай паездкі. Ляцець павінны былі на ракавым рэйсе, піша «Комсомольская правда в Беларуси».

Вось толькі галаву сям'і, як высветлілася, ніхто не папярэдзіў аб пераносе рэйса на дзве гадзіны раней часу. І ўсе спазніліся. Гучных разбіральніцтваў, распавёў Каньеха, ладзіць не сталі і дамовіліся аб вылеце іншым рэйсам. Аднак неўзабаве да іх падышоў супрацоўнік AirAsia і паведаміў ім шакавальную навіну.

- Напэўна, гэта найлепшы падарунак на Каляды, які калі-небудзь атрымлівала ваша сям'я. Самалёт, на якім вы павінны былі ляцець, разбіўся. Я памятаю людзей, якія беглі на пасадку... Я вельмі спадзяюся на тое, што пошукавая каманда іх хутка знойдзе, - прызналася жонка Каньеха газеце Sydney Morning Herald.

Прынамсі, ратавальнікі мяркуюць, што зніклы лайнер Air Asia затануў у моры. Калі самалёт усё ж пацярпеў катастрофу, то гэта будзе першае падобнае НЗ у гісторыі лаўкостэраў. AirAsia шэсць гадоў запар была прызнаная найлепшай бюджэтнай авіякампаніяй свету.

Пакуль прадбачыць лёс зніклага лайнера складана, мяркуюць экспэрты. Лайнер хоць і надзейны, але ўсё-ткі дрэнныя ўмовы надвор'я ці тэхнічныя непаладкі маглі згуляць фатальную ролю.

Паводле апошняй заявы AirAsia, на борце ляцелі 162 чалавекі: 155 пасажыраў, два пілоты, бортінжынер і чатыры бортправаднікі. Сярод пасажыраў было 17 дзяцей.

Што адбылося з самалётам, усё яшчэ дакладна невядома. Мяркуецца, што ён зваліўся ў акіян і ўсяму віной непагадзь. Паводле іншай версіі, нібыта на борце сканчалася паліва, хоць да пасадкі ў Сінгапуры заставалася яшчэ каля гадзіны.

З надыходам цемры пошукі зніклага лайнера былі прыпыненыя, а на досвітку ў панядзелак адноўленыя. У аперацыі задзейнічаныя ВМС Інданэзіі. У агульнай складанасці ў пошуках на гэты момант удзельнічаюць два самалёты, тры верталёты і восем выратавальных суднаў.

Пяць краін афіцыйна прапанавалі сваё садзейнічанне ў пошуках зніклага самалёта: Сінгапур, Аўстралія, Вялікая Брытанія, Паўднёвая Карэя і ЗША. Аднак Інданэзія кажа, што пакуль абыдзецца ўласнымі сіламі.