Парашэнка пахваліў Лукашэнку
17- 29.12.2014, 17:56
- 37,046
Прэзідэнт Украіны распавёў, навошта ён сустракаўся з беларускім дыктатарам.
Са слоў Пятра Парашэнкі, Аляксандр Лукашэнка і Нурсултан Назарбаеў адмовіліся прызнаваць Крым расейскай тэрыторыяй. Пра гэта прэзідэнт Украіны заявіў на прэс-канферэнцыі ў Кіеве сёння, паведамляе УНІАН.
«Ні Беларусь, ні Казахстан ніколі не прызнавалі ні расейскі суверэнітэт над Крымам, ні выбары ў Данецку і Луганску фэйкавыя. Гэта цвёрдая і прынцыповая пазіцыя абодвух лідараў. Гэта і вынік нашых інтэнсіўных дыпламатычных кантактаў... Расея ў гэтай сітуацыі аказваецца ў адзіноце», - сказаў ён.
Пятро Парашэнка ўпэўнены, што Лукашэнка і Назарбаеў «пакінулі Пуціна сам-насам з сабой».
Нагадаем, расейскія экспэрты мяркуюць, што свае візіты ў Кіеў кіраўнікі Беларусі і Казахстана папярэдне ўзгаднілі з прэзідэнтам Расеі.