Мінпрацы заклапацілася ўцёкамі кадраў з Беларусі

Пытанне адтоку кадраў з Беларусі патрабуе асаблівай увагі, мяркуюць у міністэрстве.

Такое меркаванне выказала міністарка працы і сацыяльнай абароны Мар'яна Шчоткіна сёння на пасяджэнні калегіі ўстановы, паведамляе БелТА.

«Кожны наймальнік павінен дакладна ўсведамляць, што пытанні захавання высокакваліфікаваных кадраў развязваюцца перш за ўсё на месцах - за кошт росту заробку, стварэння ўмоў для прафесійнага і кар'ернага росту, выдачы сацыяльнага пакета, мікраклімату ў калектыве», - падкрэсліла міністарка.

Паводле звестак МУС, за 2013 прыбыло ў рэспубліку для працаўладкавання 18,2 тысяч чалавек (у 2012 годзе - 8,8 тысяч чалавек), прычым 6,9 тысяч чалавек (38,1%) - з Украіны. Выехала для працы за межы краіны 5,7 тысяч чалавек (у 2012 годзе - 6,5 тысяч чалавек), з іх у Расейскую Федэрацыю - 4,9 тысяч чалавек, або 86%.

«Гэтыя звесткі афіцыйнай статыстыкі, не ўлічваюць самастойны выезд грамадзян, - патлумачыла Марыяна Шчоткіна. - Паводле розных ацэнках, у Расеі працуе каля 100 тысяч нашых грамадзян, хоць спісачная колькасць работнікаў у 2013 годзе зменшылася толькі на 67,5 тысяч чалавек, або на 2%».

Пытанне аб вядзенні ўліку працоўных-мігрантаў, якія з'яўляюцца грамадзянамі Беларусі, Расеі і Казахстана, якія заехалі з тэрыторыі дзяржаў, і абмене гэтымі звесткамі паміж міграцыйнымі органамі дзяржаў-удзельніц АЭП разгледжаныя ў верасні 2013 года на пасяджэнні Міждзяржаўнай рабочай групы ў выпрацоўцы рэкамендацый для правядзення ўзгодненай міграцыйнай палітыкі.

«Гэтае пытанне знаходзіцца на разглядзе дзяржаў, паколькі інфармацыя аб руху працоўных-мігрантаў неабходная для прагназавання развіцця рынку працы», - сказала Мар'яна Шчоткіна.

Акрамя таго, у адпаведнасці з пастановай Кансультатыўнай рады ў працы, міграцыі і сацыяльнай абароне насельніцтва краін СНД створаная рабочая група экспэртаў для фармавання адзінага падыходу краін СНД пры ўліку мігрантаў, якая пачне працу ў гэтым годзе.