Байцы «Беркута»: Вернемся і ўсіх пакараем (Відэа)

Украінскія спецназаўцы з георгіеўскімі стужачкамі скардзяцца на дэманстрантаў і пазіруюць перад фатографамі.

«Беркутаўцы» з Сум, якія прыбылі ў Кіеў, сцвярджаюць, што ім пагражаюць у інтэрнэце, а іх жонкам дасылаюць пагрозлівыя смс-паведамленні. Па словах сілавікоў, такія пагрозы - не адзінкавыя выпадкі.

«Хачу сказаць усім, хто будзе пісаць такія заявы. Калі пагрозы будуць працягвацца, мы вам абяцаем, што мы з сумскім «Беркутам» вернемся дадому і пакараем усіх па заслугах. Ніхто не застанецца без адказу», - заявіў адзін з байцоў у масцы тэлеканалу 24.

Увага, нецэнзурная лексіка

Раней карыстальнікі размясцілі ў сваім «Фэйсбуку» фатаграфію байцоў сумскага «Беркута» на вуліцы Грушэўскага, якія з самаробнай таблічкай «Сумы» стаяць на фоне будынка Кабінета міністраў. На некаторых з іх чамусьці апранутыя георгіеўскія стужачкі.

Воіны-афганцы ўжо неаднаразова папярэджвалі байцоў «Беркута», якія неаднаразова былі абвінавачаныя журналістамі і відавочцамі ў здзеках з людзей, што іх зверствы будуць мець далёка ідучыя наступствы.

«Беркутаўцы» - прыкалісты (смяецца). Я тут у інтэрнэце чытаю, што нас за 15 хвілін разгоняць. Дурныя. Я бачыў шмат такіх пантоў. Усе палеглі... Рэдкія - паразумнелі. Яны не ведаюць, што такое ісці на смерць. Ісці ў атаку, калі побач падаюць твае сябры... Я разумею, можна дзецюкоў наркатой напампаваць. Тады яны проста мяса. Баец без мазгоў, без інстынкту самазахавання - проста гарматнае мяса на бойні», - сказаў адзін з іх.