Прэм'ер-міністр Італіі падаў у адстаўку

Прэм'ер-міністр Італіі Энрыка Лета 13 лютага абвясціў аб сваёй адстаўцы.

Пра гэта паведамляе Agence France-Presse са спасылкай на заяву самога прэм'ер-міністра.

Са слоў Леты, ён ужо паінфармаваў аб сваіх планах прэзідэнта Італіі Джорджа Напалітана і 14 лютага афіцыйна абвесціць аб сваёй адстаўцы, піша Lenta.ru.

Як піша Reuters, Лета прыняў пастанову аб адстаўцы пасля таго, як Дэмакратычная партыя, самая буйная ў кіроўнай кааліцыі, падтрымала прапанову лідэра партыі Матэа Рэнці аб змене ўрада Італіі. Сам Лета не прысутнічаў на галасаванні сябраў Дэмакратычнай партыі аб пытанні адстаўкі ўрада, заявіўшы, што не хоча ўплываць на пастанову партыі.

На думку Матэа Рэнці, які з'яўляецца таксама мэрам Фларэнцыі, Італіі патрэбны новы, «больш амбіцыйны ўрад», які здолее вывесці краіну з эканамічнага крызісу. Чакаецца, што менавіта Рэнці зоймецца фармаваннем новага кабінета міністраў і ўзначаліць урад.

Энрыка Лета займае пасаду прэм'ер-міністра Італіі з красавіка 2013 года. Ён сфармаваў кааліцыйны ўрад з прадстаўнікоў левацэнтрысцкай Дэмакратычнай партыі і правацэнтрысцкай партыі «Народ свабоды», якую ўзначальваў былы прэм'ер-міністр краіны Сільвіё Бэрлусконі.