Радзькоў прапанаваў выбраць «сем цудаў Беларусі»
55- 19.02.2014, 9:45
- 12,736
Праект «Сем цудаў Беларусі» плануецца рэалізаваць у бліжэйшы час.
Пра гэта паведаміў першы намеснік кіраўніка адміністрацыі Лукашэнкі Аляксандр Радзькоў пры наведванні Цэнтральнай гарадской бібліятэкі імя А.С.Пушкіна ў Оршы, перадае БелТА.
У адпаведнасці з назвай праекта плануецца вызначыць сем найбольш значных месцаў Беларусі, якія абавязаны наведаць кожны жыхар і госць краіны. «У гэты спіс можна ўключыць Брэсцкую крэпасць-герой, Сафійскі сабор у Полацку, Буйніцкае поле, Мірскі і Нясвіжскі замкі. Пры выбары такіх месцаў хацелася б бачыць не толькі рэлігійныя аб'екты, але і нашы месцы гераічнай славы, культурныя і сацыяльныя аб'екты, святыні нашага народа. Пры гэтым важна, каб яны знаходзіліся ў розных абласцях краіны, каб, наведваючы іх, людзі маглі аб'ехаць усю Беларусь», - сказаў Радзькоў.
Ён удакладніў, што ў цяперашні час праект знаходзіцца ў стане ідэі і шляхі яго ўвасаблення пакуль дэталёва не абмяркоўваліся. «Рэалізаваць яго плануецца шляхам шырокага грамадскага абмеркавання, прыцягнення экспертнай камісіі», - дадаў ён.
У Аршанскім раёне Аляксандр Радзькоў узяў удзел у семінары ідэалагічнага актыву Віцебскай вобласці.