«Беркут» выйшаў на Майдан у Цярнопалі і папрасіў прабачэння (Відэа)
18- 19.02.2014, 19:07
- 38,430
Перад гэтым супрацоўнікі спецназа прайшлі вуліцамі Цярнопаля.
«Беркутаўцы» выйшлі на гарадскі Еўрамайдан, каб прасіць прабачэння за выкананне незаконных загадаў. На плошчы ў гэты час стаялі некалькі тысяч чалавек, піша «Цензор.НЕТ».
Раней, увечары 18 лютага, у Цярнопалі блізу 300 чалавек захапілі будынак абласной дзяржаўнай адміністрацыі. Перад гэтым яны закідалі брукам усе фасадныя вокны будынка, а затым паставілі ўльтыматум міліцыі пакінуць памяшканне. Калі міліцыянты пачалі выходзіць праз чорны ход, у іх кідалі снежкі і брук. Пад ціскам людзей праваахоўнікі кінуліся бегчы.
Затым людзі атачылі і пачалі штурм гарадской управы міліцыі, кідаючы камяні ў вокны. Праваахоўнікі забарыкадаваліся знутры. Людзі падпалілі гараддзел міліцыі і пачалі біць міліцэйскія аўто, прыпаркаваныя перад уваходам у будынак.
Далей былі спаленыя яшчэ тры міліцэйскія аўтамабілі каля абласной управы міліцыі.