У кума Пуціна Медзведчука гарыць лецішча

У Абухаўскім раёне Кіеўскай вобласці адбылося ўзгаранне ў прыватным доме, які належыць лідару «Украінскага выбару» Віктару Медзведчуку.

Пра гэта паведамляе 5 канал.

«Як паведамляюць відавочцы, у гэтыя хвіліны гарыць лецішча Віктара Медзведчука», - сказаў вядучы навін. Паводле папярэдняй інфармацыі, у цяперашні час пажарныя тушаць агонь, а міліцыя выехала на месца здарэння.

Віктар Медзведчук цесна звязаны з прэзідэнтам Расеі Уладзімірам Пуціным.

Пуцін нават хрысціў ягоную дачку.