Абама абмеркаваў з Пуціным сітуацыю ва Украіне
22- 22.02.2014, 3:12
- 3,531
Прэзідэнт ЗША Барак Абама ў пятніцу тэлефанаваў прэзідэнту Расеі Уладзіміру Пуціну, каб абмеркаваць падзеі ва Украіне.
Пра гэта паведамляе ВВС Україна.
Вашынгтон дамагаецца хуткага выканання пагаднення аб выхадзе Украіны з крызісу, якое было дасягнутае пры пасярэдніцтве міністраў замежных спраў трох краін ЕЗ.
Са слоў прадстаўніка Белага Дома Джэя Карні, у размове Абама заклікаў да прадухілення гвалту, ажыццяўлення канстытуцыйных зменаў, фарміравання кааліцыйнага ўраду і правядзення датэрміновых выбараў».
Гэты тэлефонны званок прыйшоўся на складаны час у амерыкана-расейскіх адносінах, калі паміж ЗША і Расеяй абвастрыліся супярэчнасці і паводле Украіны, і ў дадатак да даўніх рознагалоссяў паводле Сірыі і Ірана.
Нагадаем, 21 лютага тры лідары апазіцыі - Арсень Яцэнюк, Алег Цягнібок і Віталь Клічко - і прэзідэнт Віктар Януковіч падпісалі пагадненне аб урэгуляванні палітычнай сітуацыі.