Януковіч згубіўся
30- 22.02.2014, 11:16
- 3,133
Прадстаўнік прэзідэнта Украіны ў парламенце Юрый Мірашнічэнка не ведае, дзе ў цяперашні час знаходзіцца кіраўнік дзяржавы Віктар Януковіч.
«У мяне няма інфармацыі пра месца знаходжання прэзідэнта», - сказаў Мірашнічэнка журналістам у суботу.
Ён адзначыў, што ходзяць розныя чуткі, шмат эмоцый. Мірашнічэнка паабяцаў паведаміць журналістам аб месцы знаходжання Януковіча, як толькі ў яго будзе такая інфармацыя.
Акрамя таго, ён сказаў, што не ведае, дзе знаходзяцца яго калегі з фракцыі Партыі рэгіёнаў і «хто з іх будзе тут». Пры гэтым Мірашнічэнка падкрэсліў, што нельга спыняць працу Вярхоўнай Рады.
У суботу інфармаваная крыніца паведаміла карэспандэнту агенцтва «Інтэрфакс-Украіна», што Януковіч прыляцеў у Харкаў у ноч на суботу. Суразмоўца агенцтва таксама сказаў, што мяркуецца ўдзел Януковіча ў з'ездзе дэпутатаў паўднёва-усходніх абласцей Украіны, які пройдзе ў суботу.
Афіцыйнага пацверджання гэтай інфармацыі няма да гэтага часу.