Нацбанк будзе рэгуляваць лізінгавую дзейнасць

Лукашэнка даў Нацбанку паўнамоцтвы для рэгулявання лізінгавай дзейнасці ў Беларусі і кантролю за яе правядзеннем.

Пра гэта гаворыцца ва Указе №99 ад 25 лютага. Згодна з дакументам, лізінгавую дзейнасць будуць мець права праводзіць лізінгавыя арганізацыі, уключаныя Нацыянальным банкам у рэестр лізінгавых арганізацый.

Лізінгавую дзейнасць без уключэння ў рэестр мае права праводзіць юрыдычныя асобы і індывідуальныя прадпрымальнікі пры ўмове ўкладання не больш за тры дамовы лізінгу цягам аднаго каляндарнага года на суму не больш за 10 тысяч базавых адзінак, а таксама замежныя арганізацыі, якія праводзяць лізінгавую дзейнасць у Беларусі праз сталае прадстаўніцтва.

Банкі, небанкавыя крэдытна-фінансавыя арганізацыі вядуць лізінгавую дзейнасць у адпаведнасці з Банкаўскім кодэксам ды іншымі заканадаўчымі актамі без уключэння ў рэестр.

Указам прадугледжана магчымасць выдзялення лізінгавымі арганізацыямі маёмасці ў фінансавую арэнду (лізінг) фізічным асобам.

Дакумент уваходзіць у дзеянне з 1 верасня 2014 года, за выключэннем некаторых палажэнняў.

Фота: Bymedia