Станіслаў Панцялюк: Мару, каб ідэі Майдана прыйшлі і ў Беларусь
1- 26.02.2014, 12:17
- 3,360
Галоўны рэдактар газеты «Дзеннік Кійовські» упэўнены, што ідэалы ўкраінскай рэвалюцыі распаўсюдзяцца на аўтарытарныя краіны былога СССР.
Такое меркаванне ён выказаў у інтэрв'ю польскаму выданню Dziennik Łódzki (пераклад - charter97.org).
«Калі казаць пра значэнне Майдана ў больш шырокім кантэксце, то маёй марай з'яўляецца тое, каб гэтыя ідэі перайшлі далей на ўсход, у тым ліку і ў Беларусь. Бо самае важнае ва ўсім гэтым тое, што мы маем справу з зусім іншым поглядам, чым да гэтага часу, і што гэта з'яўляецца пунктам гледжання моладзі, вольнай ад стэрэатыпаў і гістарычных штампаў. Гэта сапраўды зачатак еўрапейскага мыслення», - перакананы ён.
«Дзеннік Кійовські» (Dziennik Kijowski) - грамадская, эканамічная і палітычная газета на польскай мове, якая выпускаецца ў Кіеве.