Прывідны Менск

У сетцы з'яўляліся здымкі, якія паказваюць беларускую сталіцу з незвычайнага боку.

Кожны тыдзень у рубрыцы «Фотапраекты чытачоў» сайт citydog.by прадстаўляе фотаработы пра Менск і яго жыхароў. Імглістым праектам пад назвай Misty Morning Minsk на гэты раз дзеліцца Дзяніс Перахрэст. Фотаздымкі зроблены на iPhone 4s і апрацаваныя ў дадатку Hipstamatic (лінза Americana, плёнка Blanko Freedom13).

- Як думаеце, чаму ў Менску заўсёды туманна?

- Ваша пытанне прымусіла мяне пагугліць, і аказалася, што ў Менску туманы часцей, чым у Лондане. Я думаю, што гэта з-за глабальнага змянення клімату. Паглядзіце на гэтую зіму за акном.

- Візуальна туман зімой моцна адрозніваецца ад туману летам?

- Зімовы туман святлей з-за снегу. Узімку таксама позна світае і рана цямнее - можна захапіць добрае святло ад ліхтароў.

- Многія лічаць, што туман, шэры колер, якіх шмат мае Менск, не вартыя ўвагі фатографаў.

- Катэгарычна не згодны. Зразумела, што многія «туманныя» фота будуць падобныя адзін на аднаго. Банальна прагучыць, але туманы добрыя тым, што згладжваюць вострыя лініі, прыглушваюць колеры і фарбы, дадаюць нейкай містычнасці. Няясныя абрысы архітэктуры, сілуэты людзей, святло ад ліхтароў, машын - фатаграфаваць можна бясконца.