Дзярждэп ЗША: У Беларусі не спыняюцца збіцці і катаванні

Дзярждэпартамент ЗША прадставіў штогадовы даклад аб захаванні правоў чалавека ў свеце.

Яго галоўнай тэмай стала сітуацыя ў Сірыі, перадае BBC. Складальнікі дакладу называюць канфлікт у гэтай краіне трагедыяй, "якая стаіць асабняком з прычыны яе маштабу і чалавечых страт", а хімічная атака ў прыгарадах Дамаска, якая панесла, па дадзеных ЗША, жыцці 1429 чалавек, характарызуецца як "толькі адзін з мноства жахаў" гэтай вайны.

Разам з тым, у аглядзе паказваецца на ўзмацненне ціску на пратэстныя рухі і няўрадавыя арганізацыі ў многіх іншых краінах.

У раздзеле дакладу, прысвечаным Украіне, паказваецца на сілавы разгон мірных пратэстоўцаў на Майдане 30 лістапада, парушэнні пры правядзенні парламенцкіх выбараў і заціск сродкаў масавай інфармацыі.

Крытыцы падвергліся і іншыя краіны. У Егіпце, як адзначаецца ў даследаванні, парушэнні правоў чалавека не спыняліся як да, так і пасля звяржэння прэзідэнта-ісламіста Махамеда Мурсі. У Іране абранне прэзідэнта Хасана Раўхані, які лічыцца рэфарматарам, не прынесла "асэнсаванага паляпшэння" ў галіне захавання правоў чалавека, паказала памочніца дзяржсакратара зра Зея.

У Беларусі не спыняліся збіцці і катаванні пратэстоўцаў і затрыманых сілавымі ведамствамі. У Турцыі з нагоды парушэння антытэрарыстычнага заканадаўства пасадзілі яшчэ 73 журналіста.

У Расеі, як сказана ў дакладзе, сілавыя структуры парушаюць правы чалавека па ўсёй краіне.