Правадніка цягніка РЖД затрымалі на беларускай мяжы за кантрабанду
- 28.02.2014, 12:53
- 3,736
Мужчына спрабаваў правезці ў падлозе вагона падробкі дарагіх гадзіннікаў.
Спробу кантрабанды ў Польшчу 82 падробленых гадзіннікаў спынілі ў аўторак супрацоўнікі Мытнай службы і Памежкамітэта ў Тэрэспалі. Тавар быў схаваны ў цягніку Масква-Варшава, паведамляе прэс-служба Мытнага камітэта ў Белай Падлясцы (пераклад - charter97.org).
Гадзіннікі з лагатыпамі вядомых сусветных вытворцаў былі схаваныя ў падлозе міжнароднага складу «Паланэз». Тайнік знаходзіўся пад кілімком, прымацаваным да металічнай рамкі падлогі.
У спробе кантрабанды падазраецца адзін з праваднікоў. Мужчына атрымаў абвінавачванні ў здзяйсненні падатковага злачынства, але віны не прызнаў.
Кошт адных арыгінальных гадзіннікаў марак, лагатыпы якіх былі размешчаныя на знойдзеным мытнікамі тавары, можа дасягаць некалькіх тысяч і нават дзесяткаў тысяч даляраў.