Беларусь забараніла ўвоз свіней з Украіны
- 28.02.2014, 13:39
- 3,408
Беларусь увяла часовыя абмежаванні на ўвоз жывых свіней і прадукцыі свінагадоўлі з Украіны на сваю тэрыторыю.
Пра гэта гаворыцца ў рашэнні дэпартамента ветэрынарнага і харчовага нагляду Мінсельгасхарча Беларусі.
«Дзяржаўная ветэрынарная і фітасанітарная служба Украіны прыпыніла сертыфікацыю жывых свіней і прадукцыі свінагадоўлі, якая пастаўляецца ў Расейскую Федэрацыю. У сувязі з тым, што Беларусь знаходзіцца ў адзінай мытнай прасторы з Расеяй, дэпартамент уводзіць часовыя абмежаванні на ўвоз жывых свіней і прадукцыі свінагадоўлі з Украіны на тэрыторыю Беларусі», - гаворыцца ў паведамленні.
Таксама адмяняюцца ўсе раней выдадзеныя дазволы на ўвоз у Беларусь свініны з Украіны.