Фотафакт: узрушальнае паўночнае ззянне над Брытаніяй

Незвычайнае паўночнае палярнае ззянне брытанцы маглі ўбачыць мінулай ноччу ў Норфолке, Эсэксе і Паўднёвым Уэльсе.

У Шатландыі чырвоныя і зялёныя агні асвятлялі неба амаль дзве гадзіны, пакуль аблокі не схавалі дзіўнае відовішча. Канчаткова знікла яно раным рана, піша «Інтэрфакс».

Звычайна такі самы цуд прыроды сустракаецца ў Арктыцы і Антарктыцы. «Палярныя ззяння можна назіраць вакол Паўночнага і Паўднёвага полюсаў, таму ўбачыць іх так далёка на поўдні даволі рэдкая з'ява», - заявіў Марк Томпсан, вядоўца праграмы «Зорнае неба Онлайн». «Я ніколі не бачыў нічога такога ў Норфолке гадоў 20», - дадаў ён.

Брытанцы абавязаныя такому незвычайнаму відовішчу сутыкненнем электрычна зараджаных часцінак сонца з атамамі атмасферы Зямлі.

«Матэрыя, званая сонечным ветрам, складаецца з электрычна зараджаных часцінак. Яны дасягаюць атмасферы Зямлі за два-тры дні, - тлумачыць Томпсан. - Менавіта сонечны вецер прымушае атамы газу свяціцца ў атмасферы. Вось і ўсё».

Як высветлілася, палярнае ззянне над Брытаніяй чакалася яшчэ 4 дні таму. Прычына таму - усплеск сонечнай актыўнасці. Аднак, са слоў Томпсана, ззянне атрымалася больш зыркім, чым чакалася.

Асаблівае задавальненне мясцовым астраномам прынёс незвычайны цуд прыроды. Карыстальнік «Твітэру» і метэаролаг Крыс Бэл даслаў фота з свайго дома ў Норфолке, якое зрабіў а 08:00 мінулым вечарам.

На фотаздымках выразна відаць, як неба ўсеяна зоркамі.