У Крыме ствараюць свой «Беркут»
12- 1.03.2014, 8:40
- 13,739
Вярхоўны Савет Крыму стварыў спецпадраздяленне па ахове грамадскага парадку «Беркут», які падпарадкоўваецца выключна уладам АРК.
Пра гэта паведаміў першы віцэ-прэм'ер Савета міністраў Крыму Рустам Цеміргаліеў, паведамляе УНІАН.
«Учора позна ўвечары (увечары 27 лютага) я сустракаўся з байцамі «Беркута», дзе дамовіліся аб стварэнні крымскага спецыяльнага падраздзялення па ахове грамадскага парадку «Беркут», якое будзе падпарадкавана выключна рэспубліканскім уладам», - паведаміў ён.
«Сёння (28 лютага) дэпутаты Вярхоўнага Савета Крыма ўжо прынялі адпаведную пастанову», - напісаў Цеміргаліеў на сваёй старонцы ў сетцы «Фэйсбук».
Раней новы міністр унутраных спраў Украіны Арсен Авакаў расфарміраваў спецпадраздзяленне міліцыі «Беркут», пастанавіў правесці атэстацыю чатырох тысяч супрацоўнікаў і стварыць новае падраздзяленне.
Пасяджэнні крымскага парламента, будынак якога ў чацвер раніцай занялі ўзброеныя людзі, 27 і 28 лютага праходзілі без удзелу прэсы.