Пуцін даўно планаваў накіраваць войскі ў Крым
31- 1.03.2014, 9:51
- 34,797
Прэзідэнт Расеі сцвярджае, што расейскія вайсковыя вучэнні ў Крыме былі запланаваны да сітуацыі, якая ўзнікла ва Украіне.
Пра гэта Пуцін сказаў падчас размовы з прэм'ер-міністрам Вялікабрытаніі Дэвідам Кэмеранам, паведамляе Reuters са спасылкай на прадстаўніка Кэмерана.
Кэмеран сказаў Пуціну, што Расея абавязаная паважаць тэрытарыяльную цэласнасць Украіны.
«Прэм'ер-міністр падкрэсліў, што ўсе краіны павінны паважаць суверэнітэт і тэрытарыяльную цэласнасць Украіны», - дадаў ён.
«Яны дамовіліся, што свабодныя і сумленныя выбары, якія абяцаў правесці пераходны ўрад - лепшы спосаб забяспечыць пазітыўную будучыню для Украіны».
Кэмеран і Пуцін пагадзіліся, што міжнародная супольнасць павінна падумаць над тым, як дапамагчы Украіне адказаць на выклікі ў эканоміцы, сказаў прэс-сакратар Кэмерана.
Таксама дзяржсакратар ЗША Джон Кэры сказаў, што міністр замежных спраў Расеі Лаўроў запэўніў яго, што расейцы «не маюць дачынення да якога б там ні было парушэння суверэнітэту і не маюць намеру гэтага рабіць».
«Я, прынамсі, ясна даў зразумець, што ў сапраўдны момант гэта можа быць няправільна інтэрпрэтавана, і што напружанасці і так хапае, так што кожны павінен быць вельмі асцярожным, каб не распальваць сітуацыю і не падаваць няправільных сігналаў», - сказаў Кэры, словы якога прыводзіць Reuters.